Venjuleg húð er hvorki of feit né of þurr. Hún er slétt, þægileg til meðhöndlunar og hefur eðlilegt rakajafnvægi. Jafnvægi venjulegrar húðar getur raskast vegna árstíðarbreytinga og á ákveðnum tímum tíðahringsins. Að skipta um húðvörur þegar húðin er ekki í jafnvægi er óþarfi og gæti lagt óþarfa álag á hana. Í staðinn er gott að hlúa að húðinni með góðri næringu og vörn. Á meðan húðin jafnar sig er gott að nota vörur með mildum innihaldsefnum eins og aloe vera, grænu tei, glýserín (glycerin), keramíð (ceramide), hýalúrónsýru (hyaluronic acid) eða pantenóli (panthenol).
Við mælum með reglulegri og góðri rútínu við húðumhirðu til að viðhalda góðu rakastigi og styrkja ysta lag húðarinnar (húðþekjuna) (skin barrier). Sem vörn gegn UVA og UVB geislum mælum við eindregið með notkun sólarvarnar daglega.
Vert er að taka það fram að höfundur er áhugamaður um húðheilbrigði og húðumhirðu vegna síns eigin húðvanda en er ekki húðlæknir að mennt.
Ef þú ert í miklum erfiðleikum með húðina þína mælum við alltaf eindregið með því að leita til læknis eða annarra fagaðila.
Hér að neðan finnur þú mildar og góðar vörur fyrir venjulega húð
Uppselt
Uppselt
